އެމް.އާރު.ޕީ.އެސް ހައްޖު ބެނެފިޓް ޕްރޮގްރާމަކީ މޯލްޑިވްސް ރިޓަޔަރމަންޓް ޕެންޝަން ސްކީމުގެ މެންބަރުނަށް ޙައްޖުގެ އަޅުކަން އަދާކުރުމަށް އެފަރާތްތަކުގެ ރިޓަޔަރމަންޓް ސޭވިންގްސް އެކައުންޓު (އާރް.އެސް.އޭ) އަށް ޖަމާކުރެވިފައިވާ ފައިސާ ބޭނުންކުރެވޭ ގޮތަށް ދޭ އިނާޔަތެކެވެ.
މި ޕްރޮގްރާމުގެ ދަށުން އެމް.އާރް.ޕީ.އެސް މެންބަރުންގެ ތެރެއިން ރިޓަޔަރމަންޓް ސޭވިންގްސް އެކައުންޓް (އާރް.އެސް.އޭ) ބެލެންސްގައި 336000 ރުފިޔާއަށް ވުރެ ބޮޑު އަދަދެއް ޖަމާކުރެވިފައިވާ ފަރާތްތަކަށް ފަރުޟު ޙައްޖުގެ އަޅުކަން އަދާކުރުމަށް ދައްކަންޖެހޭ އަގުގެ %80 ރިޓަޔަރމަންޓް ސޭވިންގްސް އެކައުންޓުން ދެއްކޭނެ ފުރުސަތު އޮވެއެވެ.