ޕެންޝަން އޮފީހުގެ ފަރާތުން "ކެރިއަރ ކޮމްޕަސް" ޕްރޮގްރާމުގެ ފުރަތަމަ ސެޝަން ކާމިޔާބު ކަމާއެކު ބާއްވައިފިއެވެ.
ޒުވާނުންނަށް އަމާޒުކޮށްގެން ފަރުމާކުރެވިފައިވާ މި ޕްރޮގްރާމް ޚާއްސަކުރެވިފައިވަނީ ވަޒީފާގެ މާހައުލުގައި ކުރިއަށް ދިއުމަށްޓަކައި ބޭނުންވާނެ މުހިންމު މަޢުލޫމާތު ފޯރުކޮށްދީ ހުނަރު ފެތުރުމަށެވެ. އެގޮތުން މި ސެޝަނުގައި މަޝްވަރާ އަދި ހަރަކާތްތަކުގެ ތެރެއިން ކެރިއަރ ގައިޑެންސް، ސީވީ ތައްޔާރުކުރުން، ފައިނޭންޝަލް ލިޓްރަސީ އަދި ޕެންޝަނާ ގުޅޭ މުހިންމު މަޢުލޫމާތު ވަނީ ބައިވެރިންނަށް ފޯރުކޮށްދީފައެވެ.
މި ޕްރޮގްރާމަކީ ޒުވާނުންނަށް ޕެންޝަނާއި، ފައިނޭންޝަލް ލިޓްރަސީ އާއި، ޕްރޮފެޝަނަލް ޑިވެލޮޕްމަންޓާއި ބެހޭ މަޢުލޫމާތު ފޯރުކޮށްދިނުމަށް ޕެންޝަން އޮފީހުން ކުރަމުންދާ މަސައްކަތްތަކުގެ ތެރެއިން ކުރިއަށް ގެންދެވުނު ހަރަކާތެކެވެ.